.
Subramanyam Dogiparthi …. 1992 డిసెంబర్లో వచ్చిన ఈ ప్రాణదాత సినిమా గురించి చెప్పాలంటే ముందుగా మెచ్చుకోవలసింది కధను నేసిన , డైలాగులను వ్రాసిన పరుచూరి బ్రదర్సునే . వైద్య వృత్తి మీద గౌరవం తగ్గుతున్న రోజుల్లో ఒక సిన్సియర్ డాక్టర్ ఎలా ప్రాణదాతగా జనం చేత ఆరాధించబడతారో చక్కగా చూపారు . ఆ మెయిన్ ప్లాట్ చుట్టూ ఆ డాక్టర్ కుటుంబానికి సంబంధించిన సంఘటనలను కలిపి వెరశి మంచి కధను నేసారు .
ఏయన్నార్ అద్భుతంగా నటించిన సినిమా . చాలా ఉదాత్తమైన పాత్ర . అలాగే మిగిలిన పాత్రలు కూడా . గ్రామంలో మోతుబరి దంపతులుగా అట్లూరి పుండరీకాక్షయ్య , అన్నపూర్ణమ్మల పాత్రలు . ఇద్దరూ బాగా నటించారు . మరో గొప్ప పాత్ర గిరీష్ కర్నాడుది .
Ads
ఇతర ప్రధాన పాత్రల్లో లక్ష్మి , హరీష్ , మళయాళ నటి చార్మిళ , కోట శ్రీనివాసరావు , బ్రహ్మానందం , జయలలిత , బాబూమోహన్ , అల్లు రామలింగయ్య , తాతినేని రాజేశ్వరి , నర్రా , జెన్నీ , పరుచూరి రవి , కాకరాల , భీమేశ్వరరావు తదితరులు నటించారు .
రాజ్ కోటి సంగీత దర్శకత్వంలో పాటలు , బేక్ గ్రౌండ్ స్కోర్ చాలా బాగుంటాయి . యు ఆర్ మై బాయ్ ఫ్రెండ్ యు ఆర్ మై గర్ల్ ఫ్రెండ్ చాలా బాగా చిత్రీకరించబడింది . ఈ పాటని డి నారాయణ వర్మ వ్రాసారు . మిగిలిన పాటల్ని వేటూరి , సిరివెన్నెల , వెన్నెలకంటి వ్రాయగా బాలసుబ్రమణ్యం , చిత్ర శ్రావ్యంగా పాడారు . నాలుగు పాటల్ని నలుగురి చేత వ్రాయించారు .
ప్రేమికులం శాంతి కాముకులం ప్రేమికులం మాది ప్రేమ కులం , ఆగిపో ఆగిపో జాలి లేని కాలమా , ఢీ కొట్టరా అంటూ సాగుతాయి మిగిలిన పాటలు . సినిమా ఔట్ డోర్ షూటింగ్ అంతా కృష్ణా జిల్లా గుడ్లవల్లేరులో జరిగింది . ప్రముఖ నిర్మాత కాట్రగడ్డ ప్రసాద్ నిర్మించిన ఈ సినిమాకు స్క్రీన్ ప్లే , దర్శకత్వం మోహన్ గాంధీ . మంచి సినిమా . ఇంతకుముందు చూడనట్లయితే తప్పక చూడండి . యూట్యూబులో ఉంది .
ఇక్కడ ఇంకొన్ని విషయాలూ చెప్పుకోవాలి… ఇది The quack అనే పోలెండ్ సినిమాకు ఫ్రీమేక్… తెలుగీకరించారు… కానీ జనానికి ఎందుకు పెద్దగా నచ్చలేదు..? అదీ ప్రశ్న… నిజానికి సీతారామయ్యగారి మనవరాలు సినిమాలోలాగే ఇందులోనూ అక్కినేని ముసలివాడిగా బాగా నటించాడు… సరే, సినిమాల మధ్య పోలిక ఎందుకులే గానీ, ఏఎన్నార్ కెరీర్లో చెప్పుకోదగిన సినిమాల్లో ఇదీ ఒకటి, నటనపరంగా…
ఈ సినిమా ఒక మంచి ప్రయత్నం… డాక్టర్ గుండెల్లో ఉండే ఆర్ద్రతను, విలువలను చూపిస్తూ ఆయన్ని దేవుడిలా భావించే ఒక ఊరి నేపథ్యంలో ఈ సినిమా సాగుతుంది… అయితే బాక్సాఫీస్ వద్ద ఆశించిన స్థాయిలో ఈ సినిమా ఆడకపోవడానికి అప్పట్లో కొన్ని ప్రధాన కారణాలు ఉన్నాయి…
1. అక్కినేని ఇమేజ్ వర్సెస్ కథాంశం … ఒక సామాజిక బాధ్యత ఉన్న కథను ఎంచుకున్నప్పటికీ, అప్పటికే కమర్షియల్ ఫార్ములా వైపు బాగా మొగ్గు చూపిన ప్రేక్షకులు, కేవలం సెంటిమెంట్, ఆదర్శాల చుట్టూ తిరిగే ఈ కథను పూర్తిస్థాయిలో ఆదరించలేకపోయారు…
2. అప్పటి ట్రెండ్ – మాస్, యాక్షన్ సినిమాల హవా … 1992వ సంవత్సరం నాటి టాలీవుడ్ ట్రెండ్ గమనిస్తే… అప్పట్లో చిరంజీవి ‘ఘరానా మొగుడు’, బాలకృష్ణ ‘రౌడీ ఇన్స్పెక్టర్’, వెంకటేష్ ‘చంటి’, నాగార్జున ‘ప్రెసిడెంట్ గారి పెళ్ళాం’ వంటి భారీ కమర్షియల్, మాస్, లవ్ ఓరియెంటెడ్ సినిమాలు వచ్చి ఇండస్ట్రీని శాసించాయి. అలాంటి ఫాస్ట్- పేస్డ్ సినిమాల మధ్య ‘ప్రాణదాత’ లాంటి నెమ్మదిగా సాగే సెంటిమెంట్ డ్రామా ప్రేక్షకులను థియేటర్లకు రప్పించడంలో వెనుకబడింది…
థియేటర్లలో సరిగ్గా ఆడకపోయినా, తరువాత టీవీల్లో వచ్చినప్పుడు అక్కినేని నటనను జనం ప్రశంసించారు… ఈమధ్య చిన్న చిన్న వీడియో బిట్లుగా నెట్లో రిలీజ్ చేశారు సినిమాను… ప్రేక్షకులు సినిమాతో కనెక్ట్ అవ్వకపోవడానికి స్క్రీన్ప్లే లోని ఈ ‘లాజికల్ మిస్’ లేదా ‘కన్విన్సింగ్ లోపం’ చాలా పెద్ద కారణం…
వైద్యశాస్త్ర పరంగా లేదా కథా పరంగా చూసుకున్నా… ఒక మనిషికి గతాంతఃకరణం (Retrograde Amnesia) జరిగి, తన పేరేంటి, తన ఊరేంటి, తన కుటుంబం ఏది అనే “వ్యక్తిగత గతం” పూర్తిగా మర్చిపోయినప్పుడు… అదే మనిషి టెక్నికల్గా, అంతే నైపుణ్యంతో శస్త్రచికిత్సలు (Surgeries) చేయడం, మందుల పేర్లు గుర్తుపెట్టుకోవడం అనేది సామాన్య ప్రేక్షకుడికి అంత సులభంగా మింగుడుపడలేదు… (ఎఐ విశ్లేషణ)…
Share this Article