శివశంకర ప్రసాద్ గారు… మీ ‘గెస్చర్’ మనసుని గెలుచుకుంది..!

.

మన శివశంకర ప్రసాద్ గారూ… ఒకటి నచ్చిందండోయ్… మనస్పూర్తిగానే..! ఈ హ్యూమన్ టచ్ స్టోరీ వివరాల్లోకి నేరుగా వెళ్దాం…

జీతెలుగు చానెల్‌లో లిటిల్ చాంప్స్ అని ఓ ప్రోగ్రామ్ వస్తుంటుంది… నిజానికి అది చిన్న పిల్లల సింగింగ్ కంపిటీషన్ షో… కాకపోతే కొన్ని సీజన్లుగా దాన్ని మరీ ఫన్ ఓరియెంటెడ్, ఏదో అల్లాటప్పా వినోదాత్మక కార్యక్రమంగా మార్చారు…

ఈసారీ అంతే… అనంత శ్రీరాం గెంతులైతే వేరే లెవల్… అసలు పాటలకన్నా ఈ చెణుకులు, పరస్పరం పంచులు, డాన్సుల యవ్వారమే ఎక్కువ… కానీ ఈసారి ఓ ఎమోషనల్ టచ్ ఉంది…

వరుణవి అని చిన్న పిల్ల, అంధత్వం… చెబితే హర్టవుతుంది… ఆమె మానసిక ఎదుగుదలకూ అది అవరోధం అవుతుంది… అందుకని ప్రతి ఎపిసోడ్‌లోనూ జడ్జిలు గానీ, గెస్టులు గానీ ఆమెను ఈ విషయంలో ఏమీ అనకుండా హర్ట్ చేయకుండా ఉండాలని మొదట్లోనే అందరికీ స్ట్రిక్టుగా చెప్పారు… అందరూ పాటించారు…

ఆ అమ్మాయి కూడా యమ యాక్టివ్… చూస్తుంటే, ఆమె పాడుతుంటే ముద్దొస్తుంది, తోడుగా సానుభూతి కూడా జతకలిసి..! ఈ సీజన్ విజేత ఎవరైనా కావచ్చు… కానీ ఈ నిస్సారమైన షోకు ఆ అమ్మాయే వెలుగు ఈసారి..!

మరి చిరంజీవి ప్రస్తావన దేనికీ అంటారా..? ఇదోసారి చూడండి…

స్క్రిప్టెడ్ కావచ్చు, స్పాంటేనియస్ కావచ్చు… ఆ అమ్మాయి నన్ను చిరంజీవితో కలిపించవా అని జడ్జి కమ్ దర్శకుడు అనిల్ రావిపూడిని అడుగుతుంది… అపాయింట్‌మెంట్ ఫిక్స్… ఆ అమ్మాయి, షో ముఖ్యులు వెళ్లారు, కలిశారు… అక్కడా ఆ అమ్మాయి అదరగొట్టేసింది…

మన శివశంకర ప్రసాద్ గారు సినిమాకు దాన్ని పబ్లిసిటీగా కూడా వాడుకున్నట్టు అనిపించలేదు… ఈ అమ్మాయికి అవసరమైన ఏ బాగోగులైనా నేను బాధ్యత తీసుకుంటాను అని చిరంజీవి చెప్పాడు… కట్టుబడి ఉండాలని నా కోరిక… అందుకే చిరంజీవి గెస్చర్ నాకు నచ్చిందని ముందే చెప్పాను… (కొన్ని విషయాల్లో చిరంజీవి నచ్చుతాడు… పర్టిక్యులర్‌గా ఇలాంటి విషయాల్లో…)

ఆల్రెడీ సుధీర్ ఆమెకు ఓ స్పెషల్ మెడికల్ గాగుల్స్ కమ్ ఇయర్ పాడ్స్ ప్రజెంట్ చేశాడు… ఆ సౌండ్స్ వింటూ ఆ అమ్మాయి తన కదలికల్ని నియంత్రించుకునే వీలుంటుంది… భేష్, సుధీర్…

ఈ చిరంజీవి ఎపిసోడ్ ఈ ప్రోగ్రాం, ఈ సీజన్ ఫినాలేకు అదనపు ఆకర్షణ...