Muchata

Find Latest News in Telugu from muchata.com, A leading news portal in Andhra Pradesh and Telangana

  • Home
  • Contact Us
  • Disclaimer
  • Privacy Policy

సూపర్ హిట్ పాటలతో… ఈ కథానాయకుడు బ్లాక్ బస్టర్ అప్పట్లో…

March 3, 2025 by M S R

.
Subramanyam Dogiparthi ……… ఇంతేనయా తెలుసుకోవయా ఈ లోకం ఇంతేనయా నీతీ లేదు నిజాయితీ లేదు అనే రంగుల్లో పాటకు మా నరసరావుపేట వెంకటేశ్వర పిక్చర్ పేలస్ జనం ఈలలతో , డాన్సులతో దద్దరిల్లటం ఈరోజుకీ నాకు గుర్తే .

ఈ పాట కోసమే నాలుగయిదుసార్లు చూసా ఈ సినిమాను . జనాన్ని ఒక ఊపు ఊపిన మరో పాట వినవయ్యా రామయ్య ఏమయ్యా భీమయ్యా మన మంచే గెలిచిందయ్యా పాట . ఈ తప్పెట్ల పాటలో జయలలిత బ్రహ్మాండంగా నృత్యించింది .

సంగీత దర్శకుడు టి వి రాజుని ప్రత్యేకంగా అభినందించాలి . పాటలన్నీ వీర హిట్ . ముత్యాల జల్లు కురిసె రతనాల మెరుపు మెరిసే వాన జల్లు పాటలో జయలలిత నిజంగానే జనం మీద తన రతనాల అందాన్ని కురిపించింది .

Ads

మంచివాడు మా బాబాయి మా మాటే వింటాడోయి , వయసు మళ్ళిన బుల్లోడా కొంటె చూపుల కుర్రోడా , పళ్ళ పాట బాగుంటాయి . ఇల్లరికం అల్లుళ్ళు పద్మనాభం , రాజబాబుల పాట రావేలా దయ లేదా బాలా ఇంటికి రారాదా పాట పేరడీతో ఇప్పటికీ జనం పాడుకుంటూ ఉంటారు .

ఈ సినిమా కధను తయారుచేసిన ముళ్ళపూడి వెంకట రమణను , మాటలు పేల్చిన భమిడిపాటి రాధాకృష్ణను అభినందించాలి . అంతకుముందు పెద్ద మనుషులు , దేశద్రోహులు వంటి ఇలాంటి సినిమాలు ఉన్నా , ఈ సినిమాలో కధ పరుగులెత్తుతుంది . తర్వాత కాలంలో వచ్చిన ఈ మార్కు ఎన్నో సినిమాలకు ఈ సినిమా శ్రీకారం చుట్టింది .

ఈ సినిమా షూటింగ్ సమయంలోనే తమిళనాడు ముఖ్యమంత్రి అన్నాదురై చనిపోవడం , MGR డైరెక్ట్ రాజకీయాల్లోకి రావాలనుకోవడం , నాగిరెడ్డి చక్రపాణిలను ఏదయినా సినిమా సజెస్ట్ చేయమంటే , ఈ కధానాయకుడు సినిమానే రీమేక్ చేద్దామని సజెస్ట్ చేయడం , MGR – జయలలితలు నటించి తమిళంలో కూడా ఓ ఊపు ఊపడం జరిగిపోయాయి .

ఆ తర్వాత హిందీలో రాజేష్ ఖన్నా – ముంతాజ్ లతో అప్నా దేశ్ అనే టైటిల్ తో రీమేక్ చేసారు . అక్కడా బాగా హిట్టయింది . NTR- జయలలితలు 12 సినిమాల్లో జోడీ కట్టారు . అన్ని సినిమాలలో వీరి జోడీ జనానికి కన్నుల పండుగ చేసినా , ఈ సినిమా బ్లాక్ బ్లస్టరుగా నిలిచింది .

నాగభూషణం సాఫ్ట్ & క్రూయెల్ విలనీ బాగా పేలింది . అయితే ఇప్పుడు మన రాజకీయ నాయకులు ఇలాంటి విలనీలో లక్ష ఆకులు ఎక్కువ చదివారనుకోండి . అల్లు రామలింగయ్య , ధూళిపాళ , మిక్కిలినేని , టి జి కమలాదేవి , రావి కొండలరావు , రాధా కుమారి , కాకరాల , రమాప్రభ , నాగయ్య , ముక్కామల ,బేబీ పద్మిని , బేబీ రాణి ప్రభృతులు నటించారు .

ఈ సినిమాలో గమ్మత్తు ఏంటంటే CBI వాళ్ళు విలన్లను అరెస్ట్ చేస్తారు . పెద్ద పెద్ద ఘరానా విలన్లను తాకటానికి కూడా వణికిపోయే ఇప్పటి నిజ CBI ని చూస్తే , కించిత్ హాశ్చర్యము కలుగక మానదు .

మరో విశేషం … ఇంత గొప్ప బ్లాక్ బస్టర్లో NTR- జయలలితలకు డ్యూయెట్ లేకపోవడం . దడదడసాగే సినిమా ఆ సంగతిని కూడా జనానికి తెలియనీయదు . యూట్యూబులో ఉంది . చూడనివారు తప్పక చూడండి . నేడే చూడండి . #తెలుగుసినిమాలసింహావలోకనం #తెలుగుసినిమాలు #సినిమా_కబుర్లు

Share this Article



Advertisement

Search On Site

Latest Articles

  • నేపాల్ జనాగ్రహం వెనుక ఇది మరో కోణం… మనకూ డేంజరే…
  • అమృతాంటీ… మరీ అనసూయాంటీ ఆవహించిందా ఏమిటి..?!
  • డాక్టర్ సాబ్… 20 ఏళ్ల క్రితం నా ప్రాణాలు కాపాడారు గుర్తుందా..?
  • నవలా రాక్షసుడు + సినిమా రాక్షసుడు + నట రాక్షసుడు…!!
  • ఐఫోన్-17 సీరీస్… ఈ కొత్త మోడళ్ల అదిరిపోయే కీలక ఫీచర్స్ ఇవే…
  • ‘‘నీ పేరే పెట్టుకున్నాం, మా డ్రగ్ రాకెట్‌ను ఆశీర్వదించు మాతా…’’
  • లిటిల్ హార్ట్స్ సక్సెస్ సినిమా ఇండస్ట్రీకి చెబుతున్న పాఠమేమిటంటే..!
  • ఏమో, రమ్యకృష్ణే కావాలని ఆ బాహుబలి నిర్మాతే కోరుకున్నాడేమో…!
  • కాదు… ఆమె మరో షర్మిల కాదు… రాష్ట్ర రాజకీయాలపై ప్రభావం ఉంటుంది…
  • మొన్న శ్రీలంక, నిన్న బంగ్లాదేశ్, నేడు నేపాల్… జనాగ్రహం బద్దలు..!

Archives

Copyright © 2025 · Muchata.com · Technology Management by CultNerds IT Solutions