.
Subramanyam Dogiparthi …. వెంకటేష్ , కోదండరామిరెడ్డి కాంబినేషన్లో వచ్చిన మొదటి సినిమా ఈ సూర్య , IPS . చిక్కని కధను నేసి బాణాల్లాంటి డైలాగులను వ్రాసిన పరుచూరి బ్రదర్సుని మొదటగా అభినందించాలి . తగ్గ స్క్రీన్ ప్లేని తయారు చేసుకుని దర్శకత్వం వహించిన కోదండరామిరెడ్డిని అభినందించాలి .
టి సుబ్బరామిరెడ్డి నిర్మాత . సమకాలీన రాజకీయాల మీద చెణుకులతో నడుస్తుంది సినిమా . వాటికి తోడుగా వెంకటేష్ , విజయశాంతి లవ్ ట్రాక్ , తాత మనమళ్ళ ఎమోషన్సు కలిపి చుట్టేసిన సినిమా .
Ads
టూకీగా కధ ఏంటంటే : రాజకీయ ఔత్సాహికుడు చరణ్ రాజ్ . ప్రేమించానని చెప్పి మోసం చేసిన కొడుకు చేత తండ్రి సత్యనారాయణ బలవంతంగా పెళ్లి చేస్తాడు . మంత్రి గోకిన రామారావు చెల్లెల్ని చేసుకుంటానని మాట ఇస్తాడు . భార్యను చంపేసి తండ్రితోటే రంకు కట్టి తండ్రి పోలీస్ ఉద్యోగాన్ని కూడా పీకించేస్తాడు .
తాత పెంపకంలో ఆకతాయిగా పెరిగిన వెంకటేషుని IPS కు మోటివేట్ చేసి పోలీస్ అకాడమీకి పంపుతాడు . అక్కడ తన కాలేజి ఫ్రెండ్ విజయశాంతితో గొడవలు పడి శిక్షణాధికారి శరత్ కుమార్ వద్ద నుండి తన కధను తెలుసుకుని బాధ్యతగా శిక్షణ పూర్తి చేస్తాడు .
సమాంతరంగా తండ్రి బావ రాజకీయాల్లో MLA గా గెలవకుండానే CM అవుతాడు . ఎన్నికల్లో తనకు పోటీగా నిలబడిన విజయశాంతి తండ్రి చారుహాసన్ని చరణ్ రాజ్ చంపుతాడు . తిరిగి జరిగిన ఎన్నికలో విజయశాంతే నిలబడి CM గా ఎన్నుకోబడుతుంది . ప్రమాణ స్వీకారం సమయంలో భీభత్సం సృష్టించే ప్రయత్నం చేసిన విలన్లను వెంకటేష్ చంపేస్తాడు .
గతంలో చేసిన నేరాలకు శిక్షను అనుభవించేందుకు జైలుకు వెళ్ళిపోతాడు . అతని రాక కోసం ఎదురు చూస్తూ ఉంటాననే విజయశాంతి డైలాగుతో సినిమా ముగుస్తుంది . సినిమా బాగానే ఉన్నా శత్రువు సినిమాలాగా విజయాన్ని సాధించలేదు .
వెంకటేష్ , విజయశాంతి , చరణ్ రాజ్ , గోకిన రామారావు , వల్లభనేని జనార్దన్ , రాళ్ళపల్లి పాత్రలు , నటన బాగుంటాయి . చిచ్చర పిడుగు మాస్టర్ తరుణ్ బాగా నటించాడు . ఇతర పాత్రల్లో జ్యోతి , నారాయణరావు , చారు హాసన్ , శరత్ కుమార్ , నూతన్ ప్రసాద్ , కోట శంకరరావు తదితరులు నటించారు . రాళ్ళపల్లి భార్యగా రాజేశ్వరి కాసేపే కనిపించినా “నీ యమ్మ కడుపు మాడ” అనే డైలాగుతో ప్రేక్షకులకు గుర్తుండేలా నటించింది .
ఇళయరాజా సంగీత దర్శకత్వంలో వేటూరి , నారాయణరెడ్డి , సిరివెన్నెల పాటలను బాలసుబ్రమణ్యం , చిత్ర శ్రావ్యంగా పాడారు . హిట్టయ్యాయి కూడా . సుందరం మాస్టారు , ప్రభుదేవా డాన్సుల్ని బాగా కంపోజ్ చేసారు .
ముఖ్యంగా ఓం నమో నమా యవ్వనమా రావమ్మ డ్యూయెట్ బాగుంటుంది . అలాగే హత్తెరి అదో మాదిరి , నెలరాజా ఇటు చూడరా , జిజ్జనక జిజ్జనక డ్యూయెట్లు కూడా బాగా చిత్రీకరించబడ్డాయి . విజయశాంతిని టీజ్ చేసే వెయ్యిన్నొక్క జిల్లాల వరకు వింటున్నాము నీ కీర్తిని పాట బాగుంటుంది . వెంకటేష్ ఎనర్జిటిక్ గా డాన్సిస్తాడు .
సినిమా యూట్యూబులో ఉంది . తరచూ టివిలో కూడా వస్తూ ఉంటుంది . ఇంతకుముందు చూడనట్లయితే వాచ్ లిస్టులో పెట్టుకోవచ్చు . It’s an action entertainer .
Share this Article