.
నటుడు నందు… వెండితెర మీద క్లిక్ కాలేకపోతున్నాడు… బుల్లితెర, కామెంటరీలలో వోకే… తను అగ్లీ స్టోరీ అనే ఓ నెగెటివ్ టైటిల్తో వచ్చాడు… నటి అవికా గోర్ చాన్నాళ్లయింది మళ్లీ వెండితెర మీద కనిపించి… టాలీవుడ్తో చాలా గ్యాప్ వచ్చింది… తనే షార్ట్ ఫిలిమ్స్, ఓటీటీ ఫిలిమ్స్ తీసుకుంటూ, వెబ్ సీరీస్లలో నటిస్తోంది… మళ్లీ తెలుగుతెర మీదకు నందుతో కలిసి అగ్లీ స్టోరీ సినిమా చేసింది…
ఇవీ ఆ సినిమాకు సంబంధించి ఆసక్తికరమైన అంశాలు… నిజానికి టైటిల్ ఆప్ట్ కాదు… అగ్లీ స్టోరీ ఏమీ కాదు… సమకాలీన సంబంధాలు, పెళ్లి బంధాల్లో వచ్చే సంక్లిష్టతల చుట్టూ తిరిగే ఒక ఆధునిక డ్రామా… నేటితరం ఆలోచనలు, వైవాహిక జీవితంలో ఎదురయ్యే అపార్థాలు, ఈగోల వల్ల ఓ అందమైన కథ ఎలా సంక్లిష్టంగా మారుతుందనే పాయింట్తో దర్శకుడు ప్రణవ స్వరూప్ ఈ చిత్రాన్ని తెరకెక్కించాడు…
Ads
ఇది ఒక జంట మధ్య జరిగే మైండ్ గేమ్స్, ఎమోషనల్ కాన్ఫ్లిక్ట్స్తో కూడిన కథ… భర్త టార్చర్, భార్యకు మానసిక వేదన, సైకోయిజం కథ ప్రధానసూత్రం… కెరీర్, వ్యక్తిగత స్వేచ్ఛ, ఆధునిక జీవనశైలి వల్ల ఒక భార్యాభర్తల మధ్య ఎలాంటి దూరం పెరుగుతుంది? నమ్మకద్రోహం, అనుమానాలు ఆ బంధాన్ని ఎంతవరకు తీసుకెళ్లాయి? చివరకు వారు తమ తప్పులను ఎలా తెలుసుకున్నారు (లేదా తెలుసుకోలేకపోయారా) అనేదే ఈ ‘అగ్లీ స్టోరీ’ ముఖ్య కథాంశం…
నందులో మంచి నటుడున్నాడు, కానీ ఎందుకోగానీ ఎప్పటికప్పుడు వెండితెర తనను నిరాశపరుస్తూనే ఉంది… ఇందులో కూడా తన పాత్రలోని ఫ్రస్ట్రేషన్, కన్ఫ్యూజన్ను చాలా మెచ్యూర్డ్గా పండించాడు… నెగటివ్ షేడ్స్ ఉన్న సీన్లలో కూడా మంచి ఈజ్ చూపించాడు…
అవికా గోర్ బోల్డ్ అండ్ ఇంటెన్స్ రోల్లో కనిపించింది… కేవలం గ్లామర్కే పరిమితం కాకుండా, ఒక సంక్లిష్టమైన మనస్తత్వం ఉన్న ఆధునిక మహిళగా తన నటనతో సినిమాను నిలబెట్టే ప్రయత్నం చేసింది… వారిద్దరి మధ్య కెమిస్ట్రీ, ఆర్గ్యుమెంట్ సీన్స్ బాగా పండాయి…
నేటి అర్బన్ లైఫ్స్టైల్లో చాలా మంది దంపతులు ఫేస్ చేస్తున్న రియలిస్టిక్ ఇష్యూస్ను టచ్ చేయడం వల్ల, మల్టీప్లెక్స్ ఆడియన్స్కు లేదా వెబ్, ఓటీటీ ప్రేక్షకులకు ఈ కాన్సెప్ట్ కనెక్ట్ అవుతుందేమో… భార్యాభర్తల మధ్య వచ్చే కొన్ని ఘర్షణ సన్నివేశాల్లో డైలాగ్స్ చాలా వాడిగా, ప్రాక్టికల్గా ఉన్నాయి…
అయితే సినిమా పాయింట్ బాగున్నప్పటికీ, ఫస్టాఫ్లో కొన్ని సీన్లు సాగతీసినట్లు అనిపిస్తాయి… ఒకే రకమైన గొడవలు, ఈగో క్లాషెస్ను పదే పదే చూపించడం వల్ల కథనం కొంతవరకు రిపీటిటివ్గా మారుతుంది… దర్శకుడు ఎంచుకున్న మైండ్- గేమ్ స్క్రీన్ప్లే కొన్నిచోట్ల సాధారణ ప్రేక్షకుడికి కాస్త కన్ఫ్యూజింగ్గా అనిపించవచ్చు… డ్రామాను మరింత పకడ్బందీగా రాసుకోవాల్సింది…
కమర్షియల్ ఎలిమెంట్స్ లేకపోవడం… ఇది ప్యూర్ క్యారెక్టర్-డ్రివెన్ మూవీ కావడం వల్ల రెగ్యులర్ మాస్ ఎలిమెంట్స్, కామెడీని ఆశించే వారికి ఈ సినిమా అంతగా నచ్చకపోవచ్చు… సో, ‘అగ్లీ స్టోరీ’ అందరికీ నచ్చే రెగ్యులర్ కమర్షియల్ సినిమా కాదు… ఇది కేవలం లవ్, పెళ్లి, రిలేషన్షిప్స్లోని డార్క్ అండ్ ప్రాక్టికల్ షేడ్స్ను ఇష్టపడే ఏ క్లాస్ లేదా ఓటిటి ఆడియన్స్ను టార్గెట్ చేస్తూ తీసిన చిత్రం… రిలేషన్షిప్ డ్రామాలు, బోల్డ్ కంటెంట్ నచ్చే వారికి ఇది ఒకసారి చూడదగ్గ సినిమా (One-time Watch)…
Share this Article