.
హేమిటో … కొంత మంది ఉంటారు ఇండస్ట్రీలో… హిట్టో ఫ్లాపో జానేదేవ్… వరుసగా సినిమాలు వస్తూనే ఉంటాయి… రకరకాల పాత్రలు చేస్తూనే ఉంటారు… శ్రీ విష్ణు కూడా అంతే…
థియేటర్లలో విష్ణు విన్యాసం నడుస్తూనే ఉంది, తాజాగా మృత్యుంజయ్ వచ్చేసింది… ఇది థియేటర్ల నుంచి వెళ్లేలోపు మరొకటి వదులుతాడు… ఇలా సాగుతూనే ఉంటుంది… మరి సినిమా ఎలా ఉంది..? సినిమా మొత్తం పూర్తయ్యాక కూడా అసలు ఈ సినిమా కథేమిటి..? ఇంత మంది ఆర్టిస్టులు ఏం చేశారు సినిమాలో అనేది అస్సలు బోధపడదు…
Ads
వోకే, శ్రీవిష్ణు వరకు పర్లేదు, అదీ ఆ పాత్రకు తగినట్టు..! మరి ఆ పాత్రే సరిగ్గా వండబడకపోతే..? పాపం, తనైనా ఏం చేయగలడు..? పత్రికల్లో శ్రద్ధాంజలి ప్రకటనలు సేకరించే ఓ మార్కెటింగ్ ఎంప్లాయీ హీరో… పర్లేదు, మానవాతీత పాత్ర గాకుండా మనలో ఒక పాత్ర…
మనోడికే క్రైమ్ రిపోర్టింగ్, క్రైమ్ ఇన్వెస్టింగేటింగ్ ఇంట్రస్టు… ఫీల్డులో అలాంటి పరిశోధనలు ఏమీ ఉండవు అని ఫీల్డ్ రిపోర్టర్లకు తెలుసు, కానీ ఈ సినిమా కథ రచయితకు తెలియదు కదా… ఏవో రెండు శవాల మీద ఏకరూప గుర్తులు గమనించి ఇక మనోడు రంగంలోకి దిగిపోతాడు.,.
క్రైం థ్రిల్లర్లు ప్రేక్షకుడికి ఎప్పటికప్పుడు కథ అర్థమైపోతుంటే మజా ఏముంటుంది..? అలా ఉండొద్దంటే పకడ్బందీ స్క్రీన్ ప్లే, కథాగమనం ముఖ్యం… అవి లేవు ఈ సినిమాలో… రెబ్బ మోనికా జాన్ ఏసీపీ అట… ఆమె అస్సలు సూట్ కాలేదు… ఆ పాత్రకు పెద్ద సీన్ కూడా ఏమీలేదు సినిమాలో పెద్దగా…
హంతకుడెవరో మనకు ముందే చెప్పేస్తాడు దర్శకుడు… హీరోకు ఎలా తెలుస్తుందనేదే కథ… ఇంట్రస్టింగ్… దాన్నే కాస్త రక్తికట్టేలా మలిస్తే బాగుండేది… రచ్చ రవి, సుదర్శన్, అయ్యప్ప శర్మ, ఐశ్వర్య, బాలాదిత్య, అనీష్ కురువిల్లా, విలన్ నందగోపాల్… చాలామంది ఉన్నారు… అంతమంది ఎందుకున్నారో దర్శకుడికైనా అర్థమైందో లేదో తెలియదు…
సంగీతం సోసో… ఓహో, మృత్యుంజయ్ అంటే… మృత్యు ఎన్ జయ్ అని ముగ్గురు వ్యక్తులా..? టైటిల్ జస్టిఫికేషనా ఇది… సినిమాలాాగే ఉంది అర్థమయ్యీకానట్టు..!!
Share this Article