Muchata

Find Latest News in Telugu from Muchata.com, A leading news portal in Andhra Pradesh and Telangana

  • Home
  • Contact Us
  • Disclaimer
  • Privacy Policy

కథ బాగుండాలే గానీ… చిరంజీవి సినిమాను కూడా బీట్ చేయొచ్చు..!!

April 23, 2026 by M S R

.

Subramanyam Dogiparthi …. మరో స్టూవర్ట్ పురం సినిమా ఇది . యాదృచ్చికంగా ఈ స్టూవర్ట్ పురం దొంగలు సినిమా కూడా 1991 జనవరిలోనే చిరంజీవి సినిమా స్టువర్టుపురం పోలీస్ స్టేషన్‌తో పాటే విడుదలయింది . ఈ సినిమా నిర్మాత , దర్శకుల ధైర్యానికి మెచ్చుకోవచ్చు . చిరంజీవి సినిమా బాగా ఆడకపోయినా ఈ సినిమా బాగానే ఆడింది .

ముందుగా ఈ సినిమా కధను , స్క్రీన్ ప్లేని బిర్రుగా తయారు చేసుకున్న దర్శకుడు సాగర్ ని అభినందించాలి . ఫేమిలీ సెంటిమెంటుతో ఓ స్టూవర్ట్ పురం దొంగ కధని జోడించి కధను నేసారు సాగర్ . It’s more a family sentiment-oriented action movie rather than a story around Stuvart Puram Dacoits .

Ads

ఏది ఏమయినా ప్రేక్షకులను రంజింపచేసిందా లేదా అనేదే ముఖ్యం . ఆ టెస్టులో ఈ సినిమా పాసయినట్లే . టూకీగా కధ ఏంటంటే : కోటిగాడు అనే స్టూవర్ట్ పురం దొంగను ఓ వ్యాపారస్తుడు , ఓ పోలీసాయన , ఓ రాజకీయుడు ఉపయోగించుకుంటూ ఉంటారు . అతనికి ఇద్దరు కొడుకులు , ఓ కూతురు . ఈ పెద్దోళ్ళు కోటిగాడిని చంపేయటం చూసిన పెద్ద కొడుకు భానుచందర్ ఆ ముగ్గురి మీద పగ పెంచుకుంటాడు .

రెండో కొడుకు దగ్గుబాటి రాజా తన తల్లిని అత్యాచారం చేయబూనిన వ్యక్తిని చంపి బాల నేరస్తుల స్కూలుకు చేరతాడు . కూతురు కానిస్టేబులుగా పనిచేస్తున్న సుత్తి వేలు వద్ద పెరుగుతుంది . భానుచందర్ తండ్రి లాగానే దొంగ అవుతాడు . చిన్న కొడుకు ఇనస్పెక్టర్ , కూతురు కలెక్టర్ అవుతుంది . భానుచందర్ ముగ్గురినీ చంపేసి తన పగ తీర్చుకుంటాడు . ఆ క్రమంలో తన ప్రాణాలను కోల్పోతాడు .

సినిమా చూస్తున్నప్పుడు అన్నదమ్ముల అనుబంధం , భలే అబ్బాయిలు లాంటి సినిమాలు కాస్త గుర్తుకొస్తాయి . విలన్లుగా నాజర్ , వల్లభనేని జనార్దన్ , బాబూమోహన్లు నటించారు . ఇతర పాత్రల్లో చరణ్ రాజ్ , బెంగుళూరు పద్మ , లిజీ , ఈశ్వరీరావు , ధర్మవరపు సుబ్రమణ్యం , రాజేష్  తదితరులు నటించారు .

రాజ్- కోటి సంగీత దర్శకత్వంలో వేటూరి , సాహితి పాటల్ని వ్రాసారు . వి యస్ రామిరెడ్డి , వీరారెడ్డి నిర్మాతలు . సినిమా యూట్యూబులో ఉంది . చూడబులే …

Share this Article



Advertisement

Search On Site

Latest Articles

  • అయ్యా, న్యాయమూర్తి గారూ… రాజీనామా చేస్తే నేరం రద్దయిపోదు..!!
  • క్రైస్తవ మతప్రచారకుల ఇంట హిందూ వైదిక పెళ్లి తంతు..?!
  • ఎవరెంత ఏడ్చి మొత్తుకున్నా… తెలంగాణ అభివృద్ధి ఆగలేదు, ఆగదు…
  • మోడీ భాయ్ … తమరు డౌన్ వర్డ్ స్పైరల్‌లో పడిపోయారు- జాగ్రత్త !!
  • జియో పాలిటిక్స్! ముందుగా ఇండియా కోణంలో స్టడీ చేయాలి రాహుల్..!!
  • బాలయ్యకు తెలుగు వర్శిటీ పురస్కారం- అసంబద్ధమేనా..?
  • హరీశ్, నీకో నిజం తెలుసా..? పాలిటిక్స్‌లో జో జీతా వోయీ సికిందర్..!!
  • బిడ్డలూ.. ఎక్కడున్నారమ్మా? 40 ఏళ్ల ఒంటరి బతుకు చాలించింది మీ తల్లి!
  • మోదీ ఇమేజ్‌ పనిచేయలేదు- రాహుల్ గాంధీకి ఓ కొత్త ఊపిరి !
  • యముడినే ఎదిరించిన ఆ సావిత్రి… ఇక్కడ యముడి స్థానంలో ఓ లాయర్!

Archives

Copyright © 2026 · Muchata.com · Technology Management by CultNerds IT Solutions