ఎస్… ప్రభాస్ సినిమా సలార్ దుమ్మురేపుతోంది… దాదాపు 350 కోట్ల గ్రాస్ కలెక్షన్లను మూడే రోజుల్లో సాధించినట్టు వినిపిస్తోంది… అంతటి షారూక్ ఖాన్ సినిమాను తొక్కేసి, బాలీవుడ్ మాఫియా మొహం పగులగొడుతూ సలార్ విజయఢంకా కొనసాగుతోంది… ఇది ఎన్ని రికార్డులు క్రియేట్ చేయబోతున్నదో చూడాల్సిందే… కానీ..?
ప్రభాస్ ఏడి..? తన జాడా ఎక్కడ..? సక్సెస్ మీట్ల దాకా ఎందుకు..? అసలు ప్రభాస్ కుటుంబం నుంచి, తన నుంచి చిన్నపాటి స్పందన, ధన్యవాద ప్రకటన, ఆనంద వ్యక్తీకరణ ఏమీ కనిపించడం లేదు..? కారణం..? కనిపించని సలార్ ప్రిరిలీజ్ సంగతి సరే… దేశవ్యాప్త ప్రమోషన్ మీట్ల సంగతి సరే… ఇంతటి విజయం పట్ల ఆ సంతోష వ్యక్తీకరణ జాడ లేదేమిటి..? అసలు ప్రభాస్ ఎక్కడ..? ఇన్ని ప్రశ్నలు ఫ్యాన్స్‌ను కూడా కలవరపెట్టేవే…
గుర్తుందా..? ఆదిపురుష్ ప్రిరిలీజ్ ఫంక్షన్ తిరుపతిలో నిర్వహించారు… తను స్టేజీ ఎక్కలేని స్థితిలో ప్రత్యేకంగా అప్పటికప్పుడు చిన్న లిఫ్ట్ పెట్టాల్సి వచ్చింది… తను హీరోయిన్ కృతి సనన్, దర్శకుడు ఓం రౌత్ సాయం తీసుకుని, కష్టమ్మీద నడుస్తున్న వీడియోలు కూడా అప్పట్లో చాలా కనిపించాయి… అసలు ప్రభాస్‌కేమైంది అనే వార్తలు బోలెడు వచ్చాయి…
Ads
బాహుబలి సమయంలో తన మోకాలికి ఏదో గాయమైందనీ, ఆ సినిమా అయ్యాకే తన ఫిట‌్‌నెస్‌లో ఏదో పెద్ద తేడా వచ్చిందనీ, ప్రత్యేకించి మోకాలి సర్జరీ ఒకటి అత్యవసరమనీ, త్వరలో ప్రభాస్ అది చేయించుకుంటాడనీ వార్తలు, ప్రచారం… బాహుబలి అయిపోయాక సాహో, రాధేశ్యామ్, ఆదిపురుష్ పూర్తయ్యాయి… అన్నీ పెద్ద ప్రాజెక్టులే… తరువాత ప్రభాస్ ఆరోగ్య పరిస్థితి మీద పెద్దగా ఏ ప్రచారమూ లేదు ఇక… ఇప్పుడు మళ్లీ స్టార్ట్… తను తన ఆరోగ్యాన్ని ఇగ్నోర్ చేశాడా..? సలార్ స్టంట్స్ తనను మరింత డేంజర్‌లోకి నెట్టేశాయా..? సలార్ యాక్షన్ సీన్లలోనూ బాడీ డబుల్స్ బాగా కష్టపడ్డారని మరో టాక్…
ఎందుకంటే..? సెప్టెంబరు9న తను ఇటలీలో ఓ క్లిష్టమైన సర్జరీ చేయించుకున్నాడనీ, చాన్నాళ్లు ఎవరికీ కనిపించలేదనీ, నవంబరు 19న తిరిగి ఇండియాకు వచ్చాడనీ జాతీయ ఆంగ్ల పత్రికల్లో సైతం వార్తలు కనిపించాయి… మోకాలి సర్జరీ కాదనీ, నడుంకు ఏదో స్పాండిలైటిస్ బాపతు ఆపరేషన్ అనీ ప్రచారం ఉంది… మరి ఇప్పుడు తన పరిస్థితేమిటి..? ఇదీ ఆందోళనకరమైన ప్రశ్న… ఎందుకంటే..? సౌత్ డామినేషన్,ఎదురుదాడి కొనసాగాలంటే ప్రభాస్ వంటి భారీ కటౌట్.., ఆ డైనోసారే కావాలిప్పుడు… ఫుల్ ఆరోగ్యంగా ఈ బాహుబలి గాండ్రించాలి…
తన కొత్త సినిమా కల్కి 2898 AD ప్రిపరేటివ్, ప్రిప్రొడక్షన్ వర్క్ పూర్తయ్యింది… మంచు వారి కన్నప్పలోనూ శివుడిగా నటించాల్సి ఉంది… మారుతి సినిమా రాజా డీలక్స్ ఏమైందో ఎవరికీ తెలియడం లేదు… కల్కి చాలా పెద్ద ప్రాజెక్టు… ఇది అశ్వినీదత్ వాళ్ల సినిమా… నాగ్ అశ్విన్ దర్శకుడు, 600 కోట్ల భారీ బడ్జెట్… ఇందులో బిగ్ బి అమితాబ్, కమల్‌హాసన్, దిశా పటానీ, దీపిక పడుకోణ్, దుల్కర్ సల్మాన్ కూడా ఉన్నారు… నిజానికి మొదటి షెడ్యూల్ ప్రకారం వచ్చే నెలలో రిలీజ్ కావాలి, అసలు షూటింగే లేదు… ఆ సినిమా పరిస్థితేమిటి..? ప్రభాస్ రికవరీ కండిషన్ ఏమిటి..?
ఈ నెల మొదటి వారంలో బ్యాంకాక్‌లో ఓ షెడ్యూల్ స్టార్ట్ జరగాల్సి ఉంది… అదీ జరగలేదుట… ప్రభాస్ అనారోగ్యం, హాస్పిటలైజేషన్ వల్ల… సో, ప్రభాస్ ఆరోగ్య స్థితి మీద ఏదైనా స్పష్టతను తన టీం ఇస్తే బాగుండు… తను జనంలోకి వచ్చి కనిపిస్తేనే ఫ్యాన్స్‌కు ఊరట… కమాన్ హీరో… విష్ యూ స్పీడీ రికవరీ… ఇండియన్ వెండి తెరకు నువ్వే కావాలిప్పుడు… కమాన్…
Share this Article