.
2018లో జాతీయ ఉత్తమనటి పురస్కారం…. మామూలు విషయం కాదు, వేల మంది సినిమా తారలు కలలుగనే జీవితకాలం ఘనత… కీర్తి సురేష్‌కు దక్కింది… మహానటి సినిమా తరువాత… కానీ..?
తరువాత ఏమైంది..? దాన్ని నిలబెట్టుకుంటూనే… మంచి పాత్రల్ని ఎంపిక చేసుకుని, కమర్షియల్ ధోరణితో రాజీపడకుండానే జాగ్రత్త పడాల్సి ఉండింది… ఆ సోయి లేదా..? కాదు…
Ads
తనకు అవకాశాలు ఏమీ లేనప్పుడు ఎవరు అడిగితే వాళ్లకు డేట్స్ ఇచ్చినట్టుంది… మహానటి తరువాత ఆ పాత అగ్రిమెంట్లకూ, కొనసాగింపుకీ, కొత్త మంచి ఎంపికలకూ పొంతన కుదరనట్టుంది.,..
ఆమె తాజా సినిమా రీటా రివాల్వర్ చూస్తే అలాగే అనిపిస్తుంది… అదేదో పిచ్చి తమిళ సినిమా…. ఆమెకు తెలుగులో మంచి మార్కెట్ ఉంది కాబట్టి… తెలుగులోనూ జనం మీదకు వదిలారు… (ఇదే కాదు, ఆమె పలు సినిమాలు మలయాళం, తమిళం, తెలుగులోకి డబ్ అవుతుంటాయి.,. ఎక్సెప్ట్ కన్నడం, ఆమె పాన్- సౌత్ స్టార్…)
ఆమె డేట్స్ ఎలాగూ ఉన్నయ్, క్యాష్ చేసుకోవాలి అనుకుని ఎలాగోలా మమ అనిపిస్తున్న చిత్రల్లో ఒకటి ఈ రీటా రివాల్వర్… నాసిరకం… జస్ట్, ఆ నిర్మాత ఎవడో గానీ దొరికినకాడికి పరిగె ఏరుకునేరకం… కానీ కీర్తిసురేష్ తనకు తగులుతున్న డ్యామేజ్ గుర్తించలేకపోయింది…
మహానటి తరువాత చిరంజీవి సినిమాలో ఓ అప్రధాన పాత్ర చేయడం ఒక పెద్ద మైనస్… (సాయిపల్లవి ఎందుకు అవాయిడ్ చేసిందో ఇప్పటికైనా తెలిసి ఉండాలి)… తన వ్యాపారం రీత్యా సర్కారు వారి పాట వోకే… తరువాత జస్ట్, ఒక్క దసరా సినిమా మాత్రమే మహానటికి తగిన నటన… నిజంగా ఆ సినిమాలో బాగుంది ఆమె… వితవుట్ మేకప్…
ఇప్పుడు రీటా రివాల్వర్ సంగతికొద్దాం… గతంలో, చాన్నాళ్ల క్రితం కొరడా రాణి తరహా సినిమాలు జయలలిత ఎట్సెట్రా తారలు నటించేవాళ్లు… లో బడ్జెట్‌లో చకచకా చుట్టేసే బాపతు… అచ్చం ఇదీ అదే… ఎవడో గ్యాంగ్‌స్టర్ పొరపాటునో, ప్రేక్షకుడి గ్రహపాటుతో వీళ్ల ఇంట్టోకి వచ్చి చచ్చిపోతాడు, అదీ అనిల్ రావిపూడి తరహా తిక్క కామెడీ తరహాలో…
ఆమధ్య ఏదో సినిమాలో ఐశ్వర్య రాజేష్ నెయ్యి అవకాయ అన్నం ముద్ర పెట్టబోతే వాడెవడో విలన్ గాడు హరీమన్న తిక్క సీన్ గుర్తుంది కదా… అచ్చం అలాగే అన్నమాట… ఇక దాని చుట్టూ కామెడీ, థ్రిల్ అనబడే సీన్లు రాసుకున్నాడు ఈ దర్శకుడు… కానీ అవి వర్కవుట్ కాలేదు, దాంతో సినిమా ఢమాల్ అనేసింది…
కామెడీని, థ్రిల్‌ను మిక్స్ చేయడం ఓ కళ… మీకు క్షణక్షణం గుర్తుందా.,. పర్‌ఫెక్ట్ బ్లెండ్… కాకపోతే అలాంటి ఆర్జీవీ తరువాత భ్రష్టుపట్టిపోయాడు, అది వేరే సంగతి… కామెడీ, థ్రిల్ మిక్స్ చేయడంలో కీర్తిసురేష్ రీటా రివాల్వర్ దర్శకుడు ఫ్లాప్… దాంతో ఈ సినిమా బిలో యావరేజ్ అయిపోయింది…
నిజానికి బిలో యావరేజ్‌కన్నా బిలో రేంజ్… కానీ కేవలం కీర్తిసురేష్ వల్లే కాస్త దానికి ఓ వాల్యూ వచ్చింది… చివరగా….. తెర మీదకు ఎవరెవరో కొత్తవాళ్లు వస్తూనే ఉంటారు, పోతూనే ఉంటారు… సరైన ప్లానింగ్ ఉన్నవాళ్లు నాలుగు రోజులు నిలబడతారు… లేెకపోతే ప్రవాహంలో పడి కొట్టుకుపోతారు… మేడం కీర్తి సురేష్, అర్థమైందా..!!
ఇదంతా సరేగానీ… ఈ రీటా రివాల్వర్ సినిమా రివ్యూ ఏదీ అంటారా..? ఇంత చెప్పినా అర్థం కాలేదా..? ఉత్త సోది, ఉత్త సొల్లు.,. రాయాల్సిన సీన్ లేదు, రాసినా స్పేస్ వేస్ట్..!!
Share this Article